Научи да се заштитиш себеси
и твоите најблиски

Да, и не е битно дали имаш 20, 40, или 80 години. Повеќето од моите ученици немаат никакво искуство со боречки вештини кога почнуваат.

Тоа дури е и подобро бидејќи не мораш да се одвикнуваш од лоши навики доколку си вежбал сам или на погрешен начин.

Од друга страна, дури и да имаш веќе некое друго искуство (било да е во Винг Чун или било кој друг боречки систем) ти ќе можеш побрзо да ги разбереш принципите и побрзо да прогресираш, но само ако целосно се посветиш и вежбаш за да ги одвикнеш лошите навики што не работат за тебе и се адаптираш на ситуацијата.

Твојот прв бесплатен тренинг е полуприватен со мене и секој почнува од почеток, за да можам да проценам како се движи твоето тело, да ги идентификувам твоите природни предности (и недостатоци) и да откриеме што функционира лично за тебе.

Не е потребно искуство и не е потребно да имаш веќе искуство. Ти треба само искреност, упорност, и желба за учење.

(зборам од искуство и имам вежбано барем 4 различни боречки системи, и знам како е да вложиш доста време за да се одвикнеш од лоши навики што не функционираат лично за себе и да се прилагодиш за да бидеш самоодбрамбено практичен во било која ситуација)

Борбените спортови (ММА, бразилско џуџицу, кикбокс) те тренираат за натпреварување. Има правила, судии, тежински класи, рунди, време да се спремиш. Само еден противник, без оружје.

Додека традиционалните боречки вештини (карате, таеквондо, повеќето училишта за Винг Чун) тренираат кореографски движења или тренираат под перфектни (кооперативни) услови, но не се тестирани под вистински притисок.

Го користиме Т.А.О. Методот и принципите на Винг Чун бидејќи се креирани за хаос од близок контакт (и тесни простории) каде што не можеш да се потпреш само на големина, сила или брзина. Сè што учиме е тестирано под притисок против поголеми, посилни, побрзи, и понепредвидливи напаѓачи.

Да, но не можам да ти гарантирам. Сето ова највеќе зависи од тебе и колку ќе се вложиш, јас само ти помагам како да се спознаеш самиот себе и да дознаеш што ќе работи за тебе.

Моите тренинг и борбени принципи не се потпираат на сила, брзина или атлетизам (секако овие атрибути помагаат и се стремиме да ги развиеме). Тие се потпираат на таргетирање и удари во слаби точки кои не зависат од тоа колку страшен или развиен изгледа напаѓачот.

Јас лично не сум ниту најголемиот ниту најсилниот борец. Истото важи и за повеќето мои ученици. Затоа тренираме според принципи што функционираат без оглед на твојата големина, сила, или брзина.

Целта не е да ги елиминираш твоите ограничувања. Туку да ги разбереш, минимизираш, и да тренираш земајќи ги во предвид додека ги развиваш твоите предности.

Ќе бидеш функционален уште од првите 3 месеци (често уште од првиот месец).

Тоа не значи дека ќе станеш мајстор. Тоа значи дека ќе почнеш да ги разбираш борбените ТАО принципи бидејќи ќе ги вежбаш реалистично и непредвидливо.

Прогресот отприлика изгледа вака:

• 1–3 месеци: Функционален (можеш да се снајдеш и преживееш под притисок)
• 1–5 години: Инстинктивен (можеш да функционираш автоматски дури под и адреналин)
• 5+ години: Адаптабилен (можеш да импровизираш против сè, особено кога работите не одат по план)

^ Под услов да вежбаш барем 3 пати неделно по 90 минути (секако прогресот ќе биде уште побрз ако вежбаш дополнително самостојно).

Секогаш има исклучоци и на некој може да му треба повеќе време, а на некој друг помалку.

Бидејќи не е битно колку години вежбаш туку колку тотално време си вложил во тренингот во тие години.

Не. И тоа е со намера.

Твојата способност е поважна од било кој сертификат или појас. Сертификатите и појасите (исто и униформите) се само бизнис модел за да те задржат со тоа што ќе бркаш еден па друг појас (поточно бараш одобрение од тој што те учи бидејќи не знаеш како сам да си го дадеш). Никогаш во историјата на вистинските боречки вештини немало систем на појаси, и особено НЕ во Винг Чун системот.

Ние го мериме твојот напредок според тоа што твоето тело може да направи под притисок, а не според тоа колку часови си посетувал или колку пари си ми дал.

Ако ти е потребен појас за да се чувствуваш сигурно или исполнето, мојата школа не е за тебе. Ако сакаш вистинска способност што ти припаѓа лично на тебе бидејќи си се вложил и си тестирал, тогаш си добредојден кај мене.

Мојата школа е за сериозен тренинг за луѓе кои разбираат дека самозаштитата и самоодбраната не е хоби.

На секој што ќе го наруши фокусот (и дисциплината) на тренингот, ќе му биде убаво кажано да излезе од тренингот без разлика на возраста. И отпишан ако не научи од таа лекција.

Секако има исклучоци со тоа што некои „деца“ (под 14 години) знаат како да следат и да се вложат па им дозволувам да вежбаат со мене (особено ако се мета на малтретирање).

Условите остануваат исти…

Ќе тренираш заедно со зрели поединци кои ги делат твоите вредности на:

• Љубопитност
• Храброст
• Чесност
• Дисциплина
• Спремност
• Мудрост

Зависи од твоите цели.

За функционалност (1-3 месеци): минимум 1–2 пати неделно.

За инстинктивност (1–5 години): 2–3 пати неделно.

За адаптабилност (5+ години): најмногу што можеш да си дозволиш без да се повредиш.

Запамти:

Континуираните и квалитетните повторувања се поважни од тоа колку пати си повторил. Два фокусирани тренинзи неделно ќе те однесат подалеку од пет расеани тренизни низ повеќе месеци.

Да, спарингот е дел од тренингот. Но, не се работи за неконтролиран спаринг каде што лесно доаѓа до повреди.

Ретко правиме спаринг со целосен контакт (дури и кога имаш опрема и си „заштитен“) бидејќи егото лесно влага во игра и прашање е на време кога ќе дојде до повреда. Ние правиме прогресивен технички спаринг т.е. лесен до среден контакт, со контролиран интензитет и специфични цели. Со и без опрема.

Целосен контакт се прави по договор и желба на учениците (задолжително со опрема).

Целта е да се тестира она што го учиш за да знаеш дека функционира кога ќе си под стрес и за да научиш како да останеш емотивно смирен (дури и кога лачиш адреналин).

Ако никогаш не ги тестираш твоите вештини под притисок, тогаш тренираш само теорија… а не способност.

Го креваме интензитетот врз основа на твоето искуство. Нема да бидеш фрлен во спаринг уште првата недела за да видам „од што си направен“. Но, евентуално ќе бидеш потикнат да тестираш. Така се стекнува реална способност и самодоверба.

Супер, тогаш ќе знаеш дека не си за тука. И тоа е доста вредно да го знаеш.

Никому ништо ако не е за тебе (воопшто нема да ме навредиш). Подобро да дознаеш сега него ли да го губиме и моето и твоето време.

Затоа твојот прв тренинг е бесплатен. Дојди за да доживееш и да дознаеш. И поставувај искрени, директни прашања за да дојдеш поблиску до тоа што сакаш да го најдеш.

Не сè уште. Бидејќи не сакам да ги учам моите ученици како да настрадаат кога имаат можност да избегаат. И бидејќи јас сеуште сум во фаза на развивање на моите вештини со (и против) оружје.

Повеќето од моите ученици се почетници и не се спремни да почнат да ракуваат и да размислуваат за оружје против оружје.

Т.А.О. Методот е креиран за да те научи и за овој дел од реалноста.

Запамти: Ум > Тело > Оружје

Во Винг Чун системот има тренинг со оружја (долг стап и широки мечеви) за да развиеме емоционална стабилност, критичко размислување и адаптабилност. Сите овие атрибути се пренесуваат директно на вештините со празни раце (и обратно).

Кажи ми на време уште од првиот тренинг. Не ризикувај со твоето здравје.

Винг Чун е доста прилагодлив. Работиме со границите на твоето тело, а не против него. Ако имате стара повреда или ограничување, ќе го прилагодам твојот тренингот за да го максимизираме она што можеш да го направиш.

Имам тренирано ученици со проблеми со коленото, повреди на рамото и кои имаат некоја хронична болка (имам и јас… а сепак го имам прилагодено мојот тренинг).

Принципите функционираат без разлика (затоа не те учам само на специфични техники).

Твоето тело, ум, и битие е уникатно (ТАО-то те потсетува на тоа). Твојот тренинг треба да биде прилагоден на тој факт.

Не треба. Барем не сè уште.

Довербата се заслужува и не се дава или предава автоматски. Затоа го имам олеснето твојот пристап до мене.

Еве што можам да ти кажам: Тренирам повеќе од 16 години во повеќе системи (Винг Чун, борење, кикбокс). Го имам тестирано мојот Винг Чун против поголеми, посилни, непредвидливи и обучени борци пред да ја отворам ТАО школата. Напуштив Винг Чун линија која не можев да ја почитувам бидејќи не можев да бидам покорен на наратив и „авторитет“ кои не се вистинити. Го задржувам само тоа што работи под вистински притисок. Сè друго, индивидуално за секој што не работи, е отфрлено (или е зачувано. Бидејќи што не работело за мене, може да работи за тебе. И обратно).

Но, ова се само зборови на екран се додека не искусиш сам за себе.

Дојди, прашај, пробај, па одлучи.